جسمِك مليان ومش عارفة إيه اللي يليق عليكِ
يومارشيه بتقدملِك 7 نصايح:
1. حاولى دايما تلبسى ألوان غامقة فالمناطق المليانة أكتر علشان الألوان الغامقة مش بتبين عيوب الجسم ولو عندك منطقة فجسمك شكلها مناسب البسى فيها الألوان علشان يبقى فيه تناسق .
2. حاولى دايما تبعدي عن الحاجات اللي فيها رسومات أو نقشات كبيرة أو كتيرة علشان هيبينك أكبر.وحاولي دايما تلبسى رسومات هادية؛ ده هيبينك أصغر.
3. حاولى تبعدي عن الحاجات المقلمة بالعرض علشان هتبينك أضخم وحاولى تلبسى المقلم بالطول هيبينك أنحف .
4. لو جسمك مليان فده حاجة ممكن تساعدك إنك تلبسي الاكسسوارات الكبيرة أو الضخمة علشان مش هتاخد من مساحة جسمك على عكس البنات الصغيرة .
5. جسمِك هيساعدِك إنك تلبسي الشنط الكبيرة علشان هتبقى متناسقة مع جسمك ومش هتبينك أضخم.على عكس البنات الصغيرة الشنط الكبيرة بتبينهم أقصر.
6. حاولي دايما تتجنبي أي لبس ديق على مقاسك علشان ده هيبينك ضخمة، وهيظهر عيوب جسمك.
وفي نفس الوقت متلبسيش الحاجات الواسعة أو الأوفر سايز علشان ممكن ميتناسبش معاكي.
البسى دايمًا المقاس المظبوظ عليكى أو أوسع بحاجة صغيرة جدا.
7. ابعدي عن الألوان الصارخة، عشان مش هتخلي جسمِك أحسن حاجة. لكن الألوان العادية أو الهادية والغوامق هيكونوا أحلى عليكِ.