اللبس الشتوي بيقيّد في الحركة، وده عشان تُقله على الجسم… طيب إزاي هنتعامل بشكل عملي معاه في لبس الكلية؟ تابعينا

  1. الكارديجانز هتكون أحلى وألطف عليكِ عمليًا من البالطو، وهتقدري تتحركي براحتِك، كمان هتحسي بدفا.
  2. تاني حاجة هي البلوفرات، ودي حاولي تختاري حاجة تطريز التريكو بتاعها مقلِم بالطول أو العرض عشان ميكونش ممل، ودوري على البلوفرات اللي مش تقيلة على قلبِك وفي نفس الوقت بتدفي.
    كمان ممكن تختاري البلوفرات اللي سُمكها صغير، بحيث تلبسي تحتها شيميز لو الجو مش ساقع للدرجة، أو تلبسي فوقيها جاكيت، ويكون حجمِك طبيعي مش منفوخة بسبب الهدوم.
  3. السكارف
    السكارف من الحاجات الأساسية في لبسِك، وأهم حاجة تحطيه صح عشان ميكلكعش معاكِ.
    كمان خلّي السكارفز بتاعتِك فيها الألوان الأساسية زي: الأسود والنبيتي والكموني، والبني، أو نوّعي بألوان مبهجة تحبيها.
  4. الجواكت:
    اتكلمنا قبل كده عن الجواكت الجينز وإنها من القطع المهمة جدًا في الصيف والشتا، بس في الشتا هتستخدمي جاكت جينز يكون أتقل شوية.
    كمان بننصحِك إنِّك تصرفي فلوسِك على جاكيت واحد غالي ويعيش معاكِ الـ 4 – 5 – 6 سنوات بتوع الكلية بتاعتِك، ومهما اتغسل هتلاقيه لسه ناعم زي ما هو ومباظش منِك.

لو أنتِ محجبة، ابعدي تمامًا عن الطُرح الشيفون؛ عشان الـ Look النهائي مش هيكون لطيف خالص، استخدمي مكانها طُرح قطن

عرفينا إيه اللي مجهزاه للشتا السنادي في الجامعة