1- حاولي دايما تستخدمي القطعة الواحده أكتر من مرة وكتير من البنات ابتدوا يعملو كده.
فكرة التغيير كويسة إنك تلبسي الكاردجان الفلاني مره على البنطلون الفلاني أكيد هيبقا حلو، وهيبقى حلو برضو إنك تلبسيه مره تانية بشكل مختلف هتخلقي منه لوك جديد بتغيير بسيط منك .
2- اتفرجي على الجديد في الموضة أكتر، وخُدي منها اللي يناسبك مش أي حاجة وخلاص.
ابعدي عن فكرة أنا هلبس ده علشان هو موضة ممكن اللي تختاريه ميناسبكيش فحاولي دايما تشوفي اللي هيناسبك من أي حاجة هتلبسيها.
3- حاولي دايما تخلي شكلك مختلف وملفت حتي لو بأقل الامكانيات ممكن تلبسي بلوزة سيمبل جدا بس تلبسي عليها لون طرحه واضح فيخلي اللوك ظاهر اكتر او اكسسوار واضح ف ده هيخلي شكلك مختلف .
4- لازم يبقا فيه ف دولابك حاجات أساسية زي التيشرت الأبيض والأسود؛ زي الجاكت الجينز والبلوزة البيضة والبنطلون الجينز والكوتشي الأبيض … كل الحاجات دي هتساعدك إنك تلبسي أكتر من لون بنفس الإمكانيات بس كل مرة بشكل مختلف.