تنسيق لبس الجامعة يُعتبر أمر مُحير عند بنات سنة أولى بشكلٍ خاص، ممكن يكون بسبب إن دي فترة هتتنازلي فيها عن لبس المدرسة، وتتعودي على ستايل جديد يوميا عشان تروحي للكلية، وعشان تحققي المعادلة الصعبة بإنك تباني أنيقة وكمان بنفس الوقت عملية، يبقى لازم تختاري لبس الجامعة بذكاء، يومارشيه هتعرفِك إزاي:
1. خلّي استايل لبسك عادي وصريح، وحاولي تبعدى عن الحاجات الأوفر علشان مش هتناسب لوك الجامعة .
2. الإكسسوارات حاجة مهمة لإستايل لبسك، بس حاولي دايما تستخدمى الاكسسوارات الصغيرة والسيمبل وابعدي عن الاكسسوارات الكبيرة واللي ألوانها أوفر علشان مش هتناسب مع الجامعة خالص.
3. حاولي بقدر المُستطاع تبقي إن فاشون واتجنبي فكرة انك تروحي الجامعة بأى لبس وخلاص؛ لازم يبقى لبسك حلو في أي وقت وأي مكان.
4. ابعدي عن الميكب الأوفر أو أي حاجة اأفر في مظهرك ولو هتحطي ميكب دايما يبقى حاجات بسيطة علشان الجامعة مش محتاجة أكتر من كده.
5. افصلى بين لبس الجامعة ولبس الخروجات بالليل علشان كل مكان وليه لبسه فحاولى تخلي دايمًا لبس الجامعة حاجات بسيطة وسيمبل، ولو عايزة تلبسي ألوان أو حاجات أتراكتف شوية، يبقى بالليل أحسن أو الخروجات.