فرق كبير بين إنِّك تلبسي لبس حلو وتعملي ستايل خاص بيكِ، وإنِّك تلبسي حسب الموضة والتريندات اللي بتنزل واللي بتتغير كل فترة، وده أنتِ اللي بتقرريه، وأكيد ممكن تغيريه من فترة للتانية…. والنهاردة هنتكلم عن اختيارِك لأي طريق ما بينهم.

لازم في البداية تعملي بحث كتير جدًا عن الهدوم والألوانات، عشان عنيكِ تشوف الألوان اللي بتليق على بعض، إيه اللي اللبس أو القطع اللي بتتلبس على بعضها… ده هيعرفِك في البداية إزاي تنسقي هدومِك، لكن على المدى الطويل هيديكِي طابع خاص ورأي لهدومِك، وتقدري تعملي ستايل خاص بيكِ… مش تابع للموضة.

كمان حاولي يكون عندِك Inspiration أو مصادر تديكي إلهام في الفاشون، يعني تابعي مثلًا Fashion Bloggers الستايل بتاعهم قريب من الستايل اللي بتلبسيه أو بتحبيه، مش شرط تقلديهم في كل الأطقم، لكن دققي النظر في القطع اللي بيلبسوها وإزاي بيركبوها على بعض عشان تطلع بالتناسق ده، وممكن تستوحي من طقم لحد متابعاه مثلًا طقم جديد لكن بشخصيتِك وستايلِك أنتِ.

لو اخترتي إنِك تلبسي حسب الموضة، أو حتى مختارة ليكِ ستايل معيّن، فأهم حاجة هي الراحة، وده من نحية المقاسات والشكل العام… فمتلبسيش حاجة مش مريحاكي.

وده مش بيعاكسه إننا نقولِك جرّبي حاجات جديدة، ألوان جديدة، لبس جديد بستايل مختلف، لحد ما تلاقي حاجة مناسبة ليكِ مختلفة عن الألوانات مثلًا اللي اتعودتي تلبسيها… فمثلًا لو متعودة تلبسي غوامق، لكنِك شايفة إن اللون الأبيض مناسب عليكِ لكن مش مرتاحة شوية في الأول، فممكن تلبسيه وسط أهلِك وأصحابِك لحد ما تتعودي تخرجي بيه.

شوفي جديد يومارشيه ليكِ من هنا