اختيار وتنسيق ملابس المحجبات بيكون مُتعِب للبنات الصغيرين؛ خصوصًا لو معندهمش خبرة بتنسيق الهدوم والألوان مع بعضها، وكمان لو ملهمش ستايل خاص بيهم، يومارشيه هتساعدِك بالخطوات الأساسية ليكِ كبنوتة ملكيش ستايل لسه 😍

1. الجينز بكل تدرجاته

الجينز من القطع اللي مش بنستغنى عنها، وكمان عشان تديكي اطلالات مختلفة كل يوم حتى لو هدومِك قليلة؛ عشان كده بنقولِك اختاري أكتر من درجة في الجينزات عشان تبدّلي ما بينها؛ زي الجينز الفاتح مع البلوزة الطويلة الواسعة بألوان فاتحة.
كمان الجينز الأسود أساسي لو وزنِك متوسط وخصوصًا لو بليزر بيغطي الأرداف، وممكن تديله لمسة شتوية مع الإسكارف وحجاب أسود عشان تخلّي الطقم حيادي.

2. الفساتين الملونة

من الإطلالات اللي بتضيف بهجة بتناسب مع سنِك هي الفساتين الملوّنة، كمان بتوفّر ليكِ جزئية الإحتشام بكل سهولة، وبتديكي نوع من أنواع التغيير كاختلاف للي بتلبسيه معظم الوقت.

اختاري الفساتين الطويلة الملونة، ونسقيها مع حجاب هادي بلون فاتح يليق مع كل ألوان البشرة، كالأبيض، والنيود الروز.

3. الجاكيت مع التيشرت

الجواكت القصيرة من أنسب الحاجات للبنات الصغيرة، بتتناسب مع جو السفر الكتير، عشان كده حاولي تنسقي الجواكت مع التيشرتات فهتكوّني أطقم لذيذة الشكل وسهلة في التكوين.

 

قوليلنا ستايل لبسِك إيه 😎