لو لسه مش عارفة تنسقي هدومِك وتباني أحلى، ومتكونش الهدوم مبيّناكي أرفع
يومارشيه هتساعدِك عشان تلبسي وتباني أحسن
1. الألوان الفاتحة هتبينِك أحسن حاجة؛ علشان الألوان الفاتحة بتظهر شكل الجسم وخصوصا لو بنطلون فده هيبينك أتخن وجسمك مظبوط أكتر.
2..حاولي دايما تلبسي الأحذية الرياضية والحاجات الفلات وحاولي تبعدي عن الحاجات اللي ليها بوز طويل؛ علشان مش هتناسبك.
ولو عايزه تلبسي بوت فالشتا، اختاري البوت اللى رقبته عالية .
3..في اختياراتِك للاكسسوارات، اختاري الصغيرة البسيطة، وحاولي تبعدي عن الاكسسوارات الكبيرة أو اللي فيها تفاصيل كتير علشان مش هتناسبك.
4..حاولى دايما تلبسي الجاكيت وهو مفتوح وبلاش تلبسي حاجة متحددة من عند الوسط.
أما لو حبيتي تلبسي حزام حاولي دايما تلبسي حزام عريض .
5..جسمِك هيساعدِك تلبسي الحاجات المقلمة بالعرض والحاجات إللي رسوماتها كبيرة وفيها ألوان علشان هيبينك أكبر.
6..حاولي دايما تخلي لبسك أكتر من لون وحاولي مثلا تلبسي لون غامق مع لون فاتح علشان اللون الواحد بيرّفع أكتر.