إزاي تختاري أحذيتِك؟ لشكلها الجميل ولّا عشان سعرها المناسب؟
لازم تفهمي الأول إن الحذاء له تأثير كبير على صحتك لأنه مرتبط برجلِك وبتدخل معاكِ في الحركة عكس باقي الملابس، عشان كده لازم تختاري الشوز بعناية

يومارشيه معاكِ وبنقدملكِ بعض النصائح عشان تختاري الحذاء المريح:

الأحذية بكعب عال أو الـ Heels:
1- اتأكدي من عملية الـ Heels وهل هو بيتنّي من قدام ولّا لأ، وفي نفس الوقت صلب أو النعل بتاعه تقيل وماسِك نفسه،
بُصي على نفسِك في المراية عشان تشوفي إذا كان كعبك ثابت تماماً في مكانه، وإلّا فمش هتعرفي توازني نفسِك مع المشي.

2- دوّري عن الأحذية اللي بتسيبلِك بعض المساحة من قُدام، وتحديدا عند صباعِك الأكبر والأطول، كمان عرض الحذاء مهم جدا عشان متحسيش إن رجلِك بتتخنق.

3- دوّري عن الحذاء بكعبٍ مع وسادة تحتية عند آخر القدم عشان رجلِك ترتاح أكتر.
كمان، دورّي عن الحذاء اللي بكعب عريض ومتدرج؛ لأن النوع ده بيكون مثالي ومواكب أكتر للموضة وكمان مريح جدًا.

الأحذية من دون كعبٍ:
1- دوّري عن أحذيةٍ من دون كعبٍ بمقدمة مستديرة؛ لإنها بتديكي مساحة للتنفيس عن قدميك أكتر، البسي الحذاء واتأكدي من إنه مثالي ومش بيتزحلق من ورا لمّا بتمشي بيه.

2- دوّري عن أحذية صلبة، واضغطي على المساحة المحيطة بالنعل بصباعِك أو حاولي تتني الطرفين، الحذاء اللي بيتنّي من ورا لقدام مش قوي كفاية عشان يحمي رجلِك.

3- دوّري عن حذاء بنعل جلد أو مطاط بيمتص الخبطات وتحس قدميك براحة على الأسطح الصلبة، كمان دوّري عن الأحذية الجلد من جوّا لأنها هتحمي قدميك من الحساسية والكدمات بعد يوم طويل من المشي.

قوليلنا بتحبي تلبسي أي حذاء أكتر 😍