عاوزة تبيني نفسِك أطول؟ يومارشيه بتقولِك إزاي بمساعدة الهدوم والإكسسوارات في 8 نصايح سريعة
1. حاولى دايما تلبسى الحاجات المقلمة بالطول علشان هتبينك أطول على عكس الحاجات المقلمة بالعرض هتبينِك أقصر من طولِك الطبيعي.
2. دايمًا استخدمى الاكسسوارات الصغيرة وحاولي تبعدي عن الاكسسوارات الكبيرة أو الضخمة علشان هتاخد من مساحة جسمك.
3. بالنسبة للحزام فهو حاجة مهمة في مظهرك بس حاولي دايما تلبسي حزام رفيع علشان هيبين جسمك مظبوط أكتر وحاولي تبعدى عن الحزام العريض عشان هياخد من مساحة جسمِك وهيبينك أقصر.
4. الكعب هيكون حاجة أساسية في مظهرك بس حاولي دايما تلبسي الجزم إللى كعبها ستريت وحاولي تبعدي عن الجزم إللي وشها مدور.
5. بالنسبة للبنطلونات، البنطلون إللي طوله مظبوط عند الكاحل أو إللى أقصر وحاولي تبعدي عن البنطلونات الطويلة علشان مش هتناسبِك.
6. الألوان الغامقة هتناسبِك جدًا؛ علشان هتبين رشاقة جسمك.
7. قصة شعرِك قصير هي أكتر حاجة هتتناسب مع وشِك وجسمِك، أو القَصة اللي مش طويلة للدرجة علشان الشعر الطويل بيقصر زيادة وهياخد من مساحة وطول جسمك.
8. الشنط الصغيرة هتليق مع مظهرِك ككل، علشان هتتناسب مع طوله على عكس الشنط الكبيرة هتاخد من مساحة جسمك وهتبينك أصغر.